Skilmálar

1) Leiga - umsóknir
Allir þeir sem uppfylla skilyrði um úthlutun geta sótt um leiguíbúð hjá Heimavöllum í gegnum heimasíðu Heimavalla, www.heimavellir.is 
Heimavellir áskilur sér rétt til að skoða vanskilastöðu umsækjanda þegar sótt er um leigueign. Ef umsækjandi er með mál skráð á vanskilaskrá Credit info áskilja Heimavellir sér rétt til að hafna umsókninni á þeim grundvelli.

2) Úthlutun íbúða
Allar íbúðir sem eru lausar til umsóknar skulu auglýstar á heimasíðu félagsins: www.heimavellir.is.

Eftir að umsækjandi hefur fengið staðfestingu frá Heimavöllum um úthlutun á íbúð:
-Umsækjandi hefur einn dag frá því að hafa skoðað íbúð til að staðfesta hvort hann vilji  taka eignina á leigu.  
- Ef viðkomandi hættir við eða uppfyllir ekki skilyrði um úthlutun skal íbúðinni úthlutað til annars umsækjanda

3) Umsýslugjald og leigutími
Gerður er skriflegur tímabundinn leigusamningur til 12 mánaða eða ótímabundinn leigusamningur, eftir því sem leigutaki óskar eftir. Samningur er ávallt endurnýjaður óski leigutaki þess, nema um sé að ræða vanefndir leigjanda samkvæmt húsaleigulögunum og leigusamningnum .
Innheimt er fast umsýslugjald, við upphaf leigu, samtals 20.000,- kr. fyrir hverja íbúð.
Umsýslugjald greiðir fyrir m.a.:
- Úttektargjald við afhendingu og skil á leiguíbúð,
- Sílenderskipti við skil á leiguíbúð,
- Vinnu við gerð leigusamnings og fylgigagna,
- Álestur á rafmagni við upphaf og við leigulok,

Umsýslugjald greiðir ekki fyrir skemmdir á íbúð sem koma fram við lokaúttekt eða málun á íbúð.  Ef upp koma vandamál varðandi skemmdir á íbúð við skil fær leigutaki sendan sér reikning fyrir matskostnaði samkvæmt úttektarskýrslu 

4) Greiðsluskilmálar
Greiða þarf tryggingarfé eða skila inn bankaábyrgð sem nemur samtals þriggja mánaða leigu, áður en skrifað er undir leigusamning og eignin afhent.
Leigu skal ávallt greiða fyrsta dag hvers mánaðar. 
Tryggingarfé ber vísitölu verðtryggingar á meðan á leigu stendur.
Leiguverð er endurskoðað á 11 mánaða fresti þegar um  ótímabundinn samning er að ræða.

5) Uppsögn og úttekt íbúða
Uppsögn þarf að berast skriflega á heimavellir@heimavellir.is
Komi til uppsagnar á ótímabundnum leigusamningi innan 12 mánaða er uppsagnarfrestur 6 mánuðir á samningum hjá Heimavöllum.  Uppsögn skal vera skrifleg og tekur hún gildi fyrsta dags næsta mánaðar..
Á uppsagnarfresti er leigutaka skylt að sýna leiguíbúðina væntanlegum leigjendum en jafnan skal tilkynna slíka heimsókn með hæfilegum fyrirvara. Við slíka sýningu leiguhúsnæðis skal leigjandi eða umboðsmaður jafnan vera viðstaddur.

6) Úttektir íbúða við leiguskil
Grundvallarreglan um frágang íbúða er að þær séu hreinar í hólf og gólf, veggir heilir, (ekki nagla- eða spartlför), málun í góðu lagi. Gluggar og svalahurðir eiga að vera hreinir einnig skulu gólf ávallt þrifin, (ekki nauðsynlegt að bóna gólfið). Þrífa skal allar lofttúður og skápa utan sem innan og tæki sem tilheyra íbúðinni. Perustæði eiga að vera með ljósaperur í öllum herbergjum.
Málningarvinna í leiguíbúð er gerð í samvinnu við leigusala en á kostnað leigjenda. Skil á íbúðinni og úttekt á hinu leigða miðast við að íbúðin er tilbúin til innflutnings fyrir næsta leigutaka.
Leigutaki skal láta aflétta leigusamningi (hafi honum verið þinglýst) við lok leigusambands.... Ef samningi er ekki aflétt þá tefur það fyrir uppgjöri og endurgreiðslu á leigutryggingu.
Þegar lokaúttekt hefur farið fram hefur leigutaki ekki kost á því að gera við eða framkvæma aðrar viðgerðir á íbúðinni, íbúðin á að vera tilbúin frá leigutaka þegar lokaúttekt fer fram.

7) Viðhaldsskyldur leigjanda og Heimavalla (leigusala)
Leigjanda er skylt að fara vel með hið leigða húsnæði og í samræmi við umsamin afnot þess. Verði hið leigða húsnæði eða fylgifé þess fyrir tjóni af völdum leigjanda, heimilismanna eða annarra manna sem leigjandi hefur leyft afnot af húsnæðinu eða umgang um það skal leigjandi gera ráðstafanir til að bæta úr tjóninu svo fljótt sem verða má. Ef leigjandi vanrækir þessar skyldur sínar er leigusala heimilt að láta fara fram viðgerð á kostnað leigjanda. Áður skal þó leigusali veita leigjanda frest í einn mánuð til þess að ljúka viðgerðinni. Leigusali skal annast viðgerðir á gluggum, raftækjum, hreinlætistækjum og öðru því er fylgir húsnæðinu ef leigjandi sýnir fram á að bilanir verði ekki raktar til vanrækslu eða yfirsjónar leigjanda eða fólks á hans vegum. Leigusali skal sinna garðslætti eftir tilvikum. Leigjanda er skylt að annast á sinn kostnað viðhald á læsingum, vatnskrönum, raftenglum og öðru smálegu. Leigjanda ber einnig að halda við málningu íbúðar. Leigusali skal jafnan halda hinu leigða húsnæði í leiguhæfu ástandi, m.a. endurnýja innréttingar, gólfdúka, teppi, og annað slitlag með hæfilegu millibili, eftir því sem góðar venjur um viðhald húsnæðis segja til um. Tjón á hinu leigða, sem er bótaskylt samkvæmt skilmálum venjulegrar húseigendatryggingar, skal leigusali ætíð bera ef um íbúðarhúsnæði er að ræða. Leigusali sér ekki um að láta tengja síma og/eða net inn í íbúðina, það er val leigutaka að vera með slíka tenginguog ber leigutaki þar með þann kostnað.

Hússjóður fer m.a. í að greiða rekstrarkostnað vegna:
- Hita af íbúð leigutaka,
- Hita og rafmagn af sameign,
- Almenn sorphirða (ekki ferðir í Sorpu m. stóra hluti eins og húsgögn ofl.),
- Eftirlit á lyftu (viðgerðir ekki innifalið),
- Símakostnað af lyftu,
- Snjómokstur,
- Slátt á grasi,
- Þrif á hluta af sameign,
- Húsvörslu,
- Perur í sameign,

Umhirða í sameign 

Helstu reglur eru:
- Þrif á sameign skulu framkvæmd samkvæmt húsreglum hvers húss.
- Fyllsta hreinlætis sé gætt í sameign og kringum húsið
- Umhirða um sorpílát og sameign kringum húsið,
- Reykingafólk er sérstaklega beðið að tína upp alla stubba eftir sig.
- Ef kaupa þarf sérstaka aðstoð vegna ofangreindra þátta vegna slæmrar umgengni bætist sá kostnaður við hússjóðinn.

--------------------------------------------------------------------------------
Heimavellir ehf. Lágmúla 6, 108 Reykjavík. Sími: 517-3440